মুখ্য পৃষ্ঠা
06/04/25
14:45
শব্দত বন্দী জীৱন
ৰঙা-নীলা আলোকৰ
চিকিমিকি পোহৰত ,
হুমুনিয়াহ বোৰ বন্দী হয় |
উশাহ বোৰে গতি সলাই সেউজীয়াৰ
বিপৰিতে |
দৃষ্টি আৱদ্ধ হয় সৰু-সৰু
বিলাসী গাড়ীত ,
হাইহিলৰ অদ্ভুট শব্দত হেৰায় যায়
চেতনা !
বন্দী জীৱন মোৰ ,
বন্ধ কোঠালীত |
মছজিদৰ আজানত কলিজাৰ স্পন্দণ
সুতীৰ্ব হয় |
ৰাংকুকুৰে যেন চিৰাচিৰে ফালিব ,
মোৰ অসুখী হৃদয় |
আকাশত এজাক শগুণ ,
অপেক্ষা সিহঁতৰ মোৰ মৃত দেহ ভক্ষণ
কৰিবলৈ ||
© ৰাজু কলিতা
07/08/14
